تختِ جم ہو یا کہ دارا یا ہوشاہا تختِ کَے

قصیدہ در مدحِ وجہِ تخلیقِ جہاں

از ۔ سید رضا علی ، اورنگ آبادی

 *ہیں   شہنشاہِ   جہاں   اُن   کے    گدا    کے  سامنے*

 *پھر   رہے    ہیں   یوں  کہ   گویا   دولتِ   عالَم لیے*

 *منظرِ   طیبہ   وطن   میں   یاد    زائر   جب  کرے*

 *کہتا ہے،   پھر!  کاش،    بہرِ    دیدِ    منظر    لوٹتے*

*ہوتے   شامل    بلبلانِ   دشتِ   طیبہ   میں  جو  ہم*

 *چہچہوں    میں   دل   کا   عالم ان کے در پر بولتے*

 *ہے   خطابِ    اَیُّکُم    مِثلِی   گواہ   بے   مثل   ہیں*

 *مثل    کہنے   والے    رکھیں     اپنے    آگے     آئنے*

 *کیا  ہلالِ   آسماں   کیا    مہر    کیا   انجم   سبھی*

 *ہیں   اُسی    دربار    سے   غازہ  ضیا   کا  پا    رہے*

 *خوب  ہے  باغِ   جناں!  خیرات  دیتے   یاں  کے  گل*

 *اُودے،  نِیلے ،  سُرخ،  پِیلے،   سَبز،  جوڑے  رنگ  کے*

 *ماہ  و  نجم  و  مہر  جو  چمکا  کریں  ہیں چرخ پر*

 *ذرہ   ہائے   پا   سے   تیرے   شاہ  یہ   روشن  ہوئے*

 *رنگِ   خارِ   دشتِ  طیبہ   کیا   ہی  رنگت  ہے  تری*

*باغِ  عالم،  ائے  میں  قرباں۔  تجھ سے رنگت پا رہے*

 *جتنے   جملے   آپ   کرتے   ہیں  زباں   سے   شہ ادا*

 *بہرِ   عاشق  ہو  گئے  میٹھے  وہ   بڑھ  کر شہد سے*

 *مانگنا  ہی  تھا   کہ   اُس سے  پہلے ہی بے شک شہا*

*سائلوں   کے    تم   نے  دامن  دُرِّ  رحمت سے بھرے*

*ہے    لباسِ   دِل،  پھٹا   جاتا   ہے   دنیا  سے،   مگر*

 *اِس  پہ   پیوند   ،عاشقی،  کا  بس شہا ،تیری،  ٹَکے*

 *آپ  کی   آمد   مرے  آقا   جہاں   جب  جب  ہوئی*

 *قلبِ   عالم   بہرِ   استقبال    رستوں   میں   بِچھے*

 *دامنِ    امید    تو   نے    اِس    قدر    تر   کر   دیا*

 *مانگنے  والے   بھلا   کیا   اور   تجھ   سے   مانگتے*

*دِل   وہی   ہے  جس   میں  تیری یاد کی برسات ہو*

*آ   نبھا   ہم  کو   یہ دِل جاناں  تجھے  ہم دے چکے*

*آنکھ  ہر   منظر   کو  ٹھکرا   کر  ہوئی  ہو فرشِ رہ*

 *بس  تری   نوری  جھلک   کی  روشنی  کے  واسطے*

 *جاگ   اٹھے   گی   یہ قسمت،   جب  بلاوا   آئے  گا*

 *آئیں   گے  عشاق  ،   تیرے    در   پہ  آقا   جھومتے*

 *تیری   آمد   سے    چھٹی   ظلمت    اجالا  ہو   گیا*

 *تیری    آمد    کے    رہیں   گے   تا   قیامت    غلغلے*

 *علمِ   غیبِ    مصطفی   سے   کرتا   ہے   انکار  جو*

 *راکھ ہو،  اُس  پر  گریں  قہر  و  غضب کے صاعقے*

*ذکرِ    آقا    کو     مٹانے     کا     معاذاللہ،    خیال*

 *لاتا  ہے  گر  کوئئ،  قہرِ  رب  سے  وہ  خود مر مٹے*

*پرچمِ    شانِ    رسالت    کون     نیچا    کر    سکا*

 *اِس   طرح  کی  فکر  والے  خود  ہی نیچے  گِر گئے*

 *دیکھنے  والوں  کی  تیرے  اور  طلب   بڑھتی  رہی*

 *ہر   گھڑی   دیدار ہو،  دِل   میں  اٹھے   یوں  ولولے*

 *تیرے  کوچے  میں  پہنچ  کر  کہہ  اٹھے عشاق یوں*

 *شکر   ہے   اللہ    کا    پھر    دِن   خوشی  کے آگئے*

 *مالکِ    کونین     کر    کے    حکم  کے   پابند   پھر*

 *عرش و  کرسی لا مکاں سب کچھ کیے رب نے! ترے*

 *نفسی  نفسی    میں  تجھے  دیکھا بدوں  نے تو کہا*

 *دیکھو    دیکھو  رب   سے  بخشش وہ  دِلانے آگیے*

 *آہ !    شب     ہائے   لحد     کتنی   رہیں  تاریک   تر*

 *جب   ترا  جلوہ  ہوا  عاصی کے   تیرے  دِن  پھرے*

 *دی   تجھے  جس  نے  پریشانی  کے عالم  میں صدا*

 *کام    آئی   تیری  رحمت    کُھل   گئے سب  راستے*

 *ہے    ترا    فرمان   تیری   دید  دیدِ   رب   ہے  پھر*

 *کاش    محبوب   و محب  کا ہم بھی جلوہ دیکھتے*

 *ہے   درودِ    پاک   سے    قُربت    رسول   اللہ   کی* 

 *کیجیے   اِس   کو  وظیفہ   خوب ہے اِس میں مزے*

*اُن  کی  رحمت  جس پہ ہو جائے تو پھر کرتا ہے وہ*

 *پار   آسانی   سے   ہر  مشکل    سے   مشکل مرحلے*

 *سایۂ     دیوار    و    در   ہم   کو  خدارا   ہو  عطا*

 *تابکہ   جھیلیں     شہا    طیبہ    نگر   سے  فاصلے*

 *خو     تری    آمادۂ      تقسیم   ہے،   تو   رہتے ہیں*

 *دمبدم   رحم  و    کرم   کے  ہم  پہ  جاری   سلسلے*

 *فضلِ   رب  نے  غیب  داں  تجھکو  کیا  ہے  سرورا*

*سب ہےافشاں تجھ پہ ایساکچھ نہیں ہے جو چُھپے*

*گٹھریاں  کَس  کے  امیدوں   کی   نکل پڑتا ہے واں*

*عشق    کو     پروا     نہیں  گو   پا میں  نکلے آبلے*

 *جو  ترے  ہوجائیں   پھر  تو  اُن  کے  اوپر  یا  نبی*

 *ہے   سحابِ   رحمتِ   باری   کی   بارش   پے بہ پے*

 *ذی  تصرف  ربِ  اکبر  کے  خزانوں   میں   ہے  کون*

 *تو  ہی   تھا   تو   ہی   رہے   گا   اور شاہا تو ہی ہے*

 *تو    اگر    چاہے    تو    ہو   ممکن   شہا   تیری ثنا*

*اور  ثناگر   کو   مسلسل   ہوں   عطا   پھر   قافیے*

 *تجھ    کو    ربِ    پاک    نے   اپنے   لیے   پیدا کیا*

*اور    عالم   میں   ہے   سب   پیدا  کیا!  تیرے  لیے*

 *جھولیاں  پھیلی   ترے  دربار  میں پھر صف بصف*

 *جب   ترے    صدقے   ،غنی،  دربار   سے  تیرے بٹے*

*جو    پھرے    دربار   سے   تیرے    شہنشاہِ  جہاں*

 *ٹھوکریں  در  در  کی  کھاتے   آج  تک  ہیں پھر رہے*

 *رقص   کرواتی ہے   تیری   یاد   میں  دِل  کو  یہی*

 *عشق  کی  ہے   بِین  اور کیا لطف دہ ہے اس کی نَے*

*ذکر   تیرا   گھٹ   نہیں   سکتا   بفضل   اللہ کبھی*

 *محوِ   ذکرِ   تو ہے   شاہا   ایک   ایک  عالم کی شے*

  *ہیچ   ہیں   تیرے    گداؤں   کے   گدا  کے  پیش سب* 

 *تختِ  جم   ہو   یا    کہ  دارا یا  ہو  شاہا  تختِ کَے*

*نور    ہے  تو   نورِ    باری   کا،   شہِ  کون  و  مکاں*

 *تیرے  جلوؤں  سے   ہیں   روشن  خانۂ  دِل کے دِیے*

*نیرِ  محشر  کی  تپتی دھوپ جب  مارے گی جوش*

 *ہونگے   ہم   عاصی  نبی  کے  ٹھنڈے  سائے  کے تلے*

*رب  سلم  کی   صدا  پُل   سے  کراے  گی  یوں پار*

 *عاشقوں   کے    گِرد   ہونگے   رحمتوں   کے  دائرے*

*نورِ   نور    و    کانِ  نور   و   ائے  سراپا   نور  نور*

 *لکۂ   نوری   سے   برسا   ہم  پہ   جھالے   نور   کے*

 *بحرِ   غم   میں   غرق  ہوجاتے ہیں تیرے سب عدو*

 *شادمانی    ہے   انہیں   جو  تیرا   دامن    تھام  لے*

 *شرمِ   عصیاں   سے،   ترے    دربار میں آنے کے بعد*

 *کس  طرح  گنبد  کی  جانب  آنکھ عاصی کی اٹھے*

*اُف  طبیبا!  چھوڑ،   کیا  پڑھتا   ہے  نبضِ نیم جاں*

 *بس  انہیں  کے  درد  میں  رہتے  ہیں ہم اچھے بھلے*ی

*تیرا واصف    ربِ    اکبر،   وصف   قرآنِ   مجید*

*یہ   رضائے   بد   بھلا   تیری   ثنا   میں   کیا لکھے*