جو بارگہ سید ابرار میں آیا

2022کی پہلی نعت پاک

از ۔ فاتح چشتی مظفرپوری

زمین۔۔عرفان صدیقی

سوچا بھی نہ تھا میں نے جو اظہار میں آیا


قسمت کا بڑا تھا بڑے دربار میں آیا

سرکار مرے آپ کی سرکار میں آیا

گو خلد بریں کے وہ مزے لوٹ رہا ہے

جو بارگہ سید ابرار میں آیا

ہر تار نفس موجۂ تسکین میں ڈوبا

جب ذکر نبی قریۂ تذکار میں آیا

مربوط کیا سلک ثنائے شہ دیں سے

 تب جا کے ادب حیطۂ معیار میں آیا

اے طائر لاہوت مبارک ہو مبارک

تمدیح کا دانہ تری منقار میں آیا

اک حرف تری عظمت یکتا کا لیا تھا

شعلوں کا جنوں شوخئ گفتار میں آیا

بانوئے ادب ناز سے بل کھانے لگی ہے

مدحت کا بیاں جیسے ہی اشعار میں آیا

سورج کی چمک،مہ کی دمک،زور تنور

ہر وصف، نظر حسن طرح دار میں آیا

گیسوئے معنبر جو کھلے جان جہاں کے

رحمت کا سماں وادی و کہسار میں آیا

جو پایا گیا زلف معطر کے جلو میں

وہ رنگ کبھی نافہ و نسوار میں آیا؟

خورشید و قمر بن کے وہ چمکا ہے افق پر

جو ذرہ رہ  راحلۂ یار میں آیا

پنجاب عطا جیسا بھی دیکھا ہے کسی نے؟

 وہ جوش تموج کبھی ابحار میں آیا؟

چرچے تھے ہر اک سمت فلک پر شب اسرا

یہ کون حسیں پردۂ زنگار میں آیا

اس گنبد اخضر کا تصور ہی کیا تھا

سامان شفا دیدۂ خوں بار میں آیا

آتے ہی  لب شوق پہ نام شہ عالم

 کیا جوش جنوں کانپتی پتوار میں آیا

دیتا ہے طبیبان جہاں کو بھی دوائیں

 کچھ ایسا اثر آپ کے بیمار میں آیا

نسبت جو ہوئی آپ کی سیرت سے کریما

پھر لطف کہاں درہم و دینار میں آیا

بے سایہ ہیں وہ ،کہتا ہے تو اپنی طرح ہیں

نجدی بھلا کیسے ترے پندار میں آیا

آواز، جو دی نعرۂ تکبیر کی *فاتح*

لرزش کا سماں نرغۂ کفار میں آیا

تبصرے

ایک تبصرہ شائع کریں

اس بلاگ سے مقبول پوسٹس

شب معراج

 شب معراج از ۔ سید خادم رسول عینی  ہر شی ہے زمانے میں منور شب معراج آقا کے توسل سے معطر شب معراج آقا کو بلا واسطہ پیغام ملا ہے  ہے دید الہی بھی میسر شب معراج  آقا کو ملے بخشش امت کے تحائف ہے اپنے لیے حسن مقدر شب معراج مصروف عبادت میں رہو مومنو اس رات برکات کا ہے ایک سمندر شب معراج اک چشم زدن میں وہ گئے عرش سے آگے کرتی ہے ہر اک شخص کو ششدر شب معراج سدرہ سے سواری وہ بنا نور خدا کا  رف رف کا بنا خوب مقدر شب معراج  تھے سارے نبی پیچھے ، پیمبر رہے آگے  کیا خوب تھا اقصیٰ کا وہ منظر شب معراج  امت کے لیے تحفہ نمازوں کا ملا تھا  جب نزد خدا پہنچے پیمبر شب معراج کرتا نہیں اللہ دعا رد کبھی اس رات  راتوں میں  بہت" عینی" ہے  بہتر شب معراج
مزید پڑھیں

رسولِ ذی شاں مدینے والے

نعت پاک مرزا جاوید بیگ العطاری ، کراچی پاکستان  نبیِ رحمت شفیعِ  اُمت رسولِ ذی شاں مدینے والے خدا کی روشن دلیل و حُجت رسولِ ذی شاں مدینے  والے ہے بات  وحیِ خدا  تمھاری زبان آقا ہے کُن کی کُنجی کلامِ دِلکش میں جامِعیت رسولِ ذی شاں مدینے والے عدو جوپہلے تھے جاں کے دشمن  نثار کرنے لگے وہ تن من تمھاری باتوں میں ہے حلاوت رسولِ ذی شاں مدینے  والے مِٹایا دُختر کُشی کا  چکر  حقوق ِ نِسواں کیے اُجاگر اُنہیں دلایا حقِ وِراثت رسولِ ذی شاں مدینے والے قلیل  ٹھہری  متاعِ  دُنیا ہے تم پہ فضلِ کبیر رب کا خدا نے بخشی تمھیں وہ کثرت رسولِ ذی شاں مدینے والے جلال رب کا غضب تمھارا رِضا تمہاری خدا  کی منشا وِلا تمہاری  خدا کی  اُلفت رسولِ ذی شاں مدینے والے یہ دل میں حسرت مچل رہی ہے دعا لبوں پر  یہی  سجی ہے دِکھادیں مجھکو بھی اپنی طلعت رسولِ ذی شاں  مدینے  والے تمہارا مِدحت سرا ہے مرزا تمھارے دربار کا  ہے منگتا رہے سلامت سدا یہ نِسبت رسولِ ذی شاں مدینے والے
مزید پڑھیں

بھر دے تو کاسہ مرا رب کریم

حمد و مناجات از ۔ سید خالد عبداللہ اشرفی، اورنگ آباد خالق   ارض وسما  رب کریم اے جہاں کے بادشا رب کریم لائق حمد  و ثنا    رب  کریم ذات برحق  کبریا   رب کریم من عرف کی ہے صدا رب کریم کر  عطا  عرفاں  ترا رب کریم شان تیری ہونہیں سکتی بیاں عقل سے ہے ماوریٰ رب کریم کبریائی ہے   ترے  ہی  واسطے توہی ہے سب سے بڑا رب کریم لائق سجدہ فقط ہے تیری ذات ہے تو ہی سب کا خدا رب کریم ذرے ذرے سے ہویدا تیری شان ہر جگہ جلوہ ترا رب  کریم گل کو نکہت تو نے بخشی یا خدا مہر و مہ کو دی ضیا رب کریم ذکر،گلشن میں گلستاں میں ترا ہو رہا  صبح و مسا رب  کریم کوئلوں کی راگنی میں تیرا نام ذکر برلب بس ترا رب  کریم دست قدرت میں ترے ہر ایک کے بخت کا   ہے فیصلہ  رب کریم واسطہ تجھ کو ترےمحبوب کا سن لے میری  التجا رب کریم مجھ کو اور میرے سبھی احباب کو مکر  شیطاں سے بچا رب کریم مانا میں بدکار ہوں پر ہوں ترا مجھ پہ کرچشم عطا رب کریم ہوں  سراپا  پرخطا  مولا مرے بخش دے ہراک خطا رب کریم معص...
مزید پڑھیں